Afgelopen Evenementen

D'n 11e van d'n 11e. Dit jaor in de Altstadt van Düsseldorf. Iërs nao ut wakker waere van de Hoppeditz in ziene môsterdpot veur ut Rathaus en dan gezellig ein Brauhaus-Bummel met ôs vrinde van de Tonnengarde Niederkassel 1887 e.V. En ein kort muzikaal bezeuk aan KG Regenbogen e.V. die in ut Nähkörbchen de äöpening van De Düsseldorfer Karneval viere.

Op vriédaag 2 fibberwarie wuuërt ein alde tradisie weer in ut laeve geroope: ut Brand Beerstaeke. In Domani wuuërt ônder ut toezeend oug van eine mep wiechtige persoëne ut iërste glaeske Brand beer gepreuf. Wuuërt dit good gekeurd, dan kinne de brouwmeisters van Brand beer aan de slaag um ut vastelaovesbeer te gaon brouwe.

Al sinds 2004 tiédes de regeerperiode van Geert II ( Geert Benders ) beej VVG Jocus wuuërt door de Törvers in samewerking met Plus Benders de Benders Boétegewoëne Boétezitting georganiseerd. Zoë wie de tradisie det veurschrief wuuërt ut gezelschap van de Törvers ônder begeleiding van Joekskepèl Sjiengeleboem vanaaf de Windmeule op de Straolsewaeg in eine bônte optoch nao Plus Benders gebrach um dao ut start sein te gaeve veur de Boétezitting.

Op vastelaoves zaoterdaag, zoë wie ouk heejbeej ein alde tradisie veurschrief, wuuërt de Raaf geduip met ut iërste glaeske beer en meug 11 daag vleege in en um Venlo. Beej Peter Bastiaens, de beschermhiër van de Naate Raaf, wuuërt iërs de Naate Sjaal oét de kroépruumte gehaold en en gekôntroleerd of dae ut aafgeloupe jaor good doorstaon haet. Aansloétend wuuërt d'r de gashiër en gasvrouw keboét met jakker geserveerd, waorna we ônder de toëne van ut Naate Raaf leed nao…

Veur al weer de 15e kiër ein optraeje op Benders Boétegewoëne Boétezitting.

De 9e edisie van Bal Maskeej van de Naate Raaf wuuërt weer gehalde met muzikale ôndersteuning van Joekskepèl Sjiengeleboem. Dit alternatieve vastelaovesbal, wuuërt georganiseerd door Stamtaofel de Naate Raaf. Wies 12 oor 's aoves druuëg eederein ein maske veur zien mörfke en kump de vine fleur van de Limburge artiste op  ut podium veurbeej. Eine dampende aovend met vuuël ruumte veur joeksige en veural neet al te serieuze optrajes. Vaste gaste zien ut boérebroélofsgezelschap en ut Jocus Dreejspan