Afgelopen Evenementen

Al sinds 2004, wie Prins Geert II ut Jocus riék regeerde, zien weej stamgas op dit gezellige evenement naeve de Plus supermerret oppe Straolsewaeg. Same mit de Törvers en ut nieje Jocus dreejspan trekke we vanaaf de Windmeule nao de BBB toe. Tössedoor haole we dan de minse van de Naate Raaf op beej eure beschermhiër Peter Bastiaens, en zette dan same mit eur de zitting oppe kop.

Auk dit jaor zien we weer d'r beej: Ut inmiddels in Venlo waereldberoemde Bal Maskeej in Wilhelmina. We zörge mit vuuël plezeer veur de muzikale umliésting van deze biezôndere aovend. Ein keur van artiste zal de revu passere waaobeej alle genuuëdigde wies 12 oor ein maske môtte drage

Ôzze eige beroemde feesdaag. Eine muzikale boemel door Düsseldorf same mit ôs Freunde van de Tonnengarde. Um 09.00 oor mit d'n trein nao Düsseldorf wao we ôs veur ut Rathaus veurstelle aan ut Comitee Düsseldorfer Carneval . Aansloétend nao Brauerei Schumacher veur ein optraeje same mit ut Tonnenbaurnpaar aldaor. En dan wiejer de Altstad in, mit waallich nog ein optraeje beej ut Nähkörbchen, wao KG Regenbogen resideert. Tössedoor nog waat Bräuhauser aandoon, alles ônder ut genot van ein moëj glaeske Alt en…

Ut kump neet gauw veur, maar as Herm en Bert Pollux vraoge um eur te begeleide dan môsse water beej de wien doon, en toch maar de brök euverstaeke. Same mit Bert en Herm, zulle weej in Bliërick de zaak ens fien op de kop zette, en de moëjste Venlose leedjes ten gehuuëre bringe.