Evenementen

Ôzze tradisjonele jungskesdaag, zôndaags ein waek veur de vastelaovend. Met ein selek gezelschap gaon we euver de päöl de stumming good d'r in bringe met ôzze meziék. Vertrek um 10 oor 's morges vanaaf Hauptbahnhof Venlo

Met de Tegelse bös vertrekke we um 10 oor 's morges waalgemood naor Kölle. Via de Domplatz, Heumarkt, Alter Markt, Tönnis en Schäl richting Rien oever. Met vuuël Kölsch, nog miër meziék en aaf en toe eine Happen Mett.

Op vastelaovesmaondaag trekke we weer met de groëten optoch in de stad mei.

Nao 's morges ein bäömke te hebbe gelag tiédes de kôffietuiterie, trekke we 's middaags mei met de boërebroélofs optoch door de stad

Op zôndaag trekke we mei met de halfvastelaovendoptoch. Neemus minder dan die Tonnengarde oét Niederkassel zulle ôs gezelschap halde op ôzze wage. Inmiddels good bevrind met ut Karnavals Geselschaft oét Düsseldorf / Niederkassel make we met eur d'r ein top daag van en laote we eur zeen en veural auk meimake waat Venlose (half) vastelaovend … Lees verder halfvastelaovendoptoch met de Tonnengarde Niederkassel →

Op 1 april bestaon we 40 jaor. En net wie eeder jaor gaon we op de doënstbeejziende zaoterdaag op stap met de jungskes um dit feit oétgebreid te viére.

Op zaoterdaag 16 april traeje op beej ut 44 jäörig jubileum van Boéte de Paort beej Domani

Ter iëre van de "World-meeting" 2016 op vriédaag 10 juni wuuërt d'r eine vastelaoves aovend georganiseerd veur de leeje van de rônde taofel oét de ganse waereld.

Op vriédaag 4 november gaon we naor Niederkassel beej Düsseldorf um daor ut Schlachtfest van de Tonnengarde Muzikaal op te luustere. Ut belaof eine moëje aovend te waere waor aafscheid genaome wuuërt van ut regerende Tonnebaurnpaar en ut nieje veurgesteld wuuërt.